سیرت آئمہ معصومین(ع) seerat e aima as

🔹 امام مھدی(عجل اللہ فرجہ الشریف) کے ظھور کی امید لگائے بیٹھے رہو مایوسی کفر ہے🔹

🔹 فَإِنَّ مَعَ الْعُسْرِ يُسْرًا
🔹 إِنَّ مَعَ الْعُسْرِ يُسْرًا
ترجمہ:
اس بناء پر یقینا سختی کے ساتھ آسانی ہے.
اور یقینا سختی کے ساتھ آسانی ہے.

🔹 وہ آسانی جو ابدی ہے اللھم عجل لولیک الفرج  ظھور کے بعد سب مشکلیں حل ہوجائیں گی.
🔹ـ🔹ـ🔹ـ🔹ـ🔹ـ🔹ـ🔹ـ🔹
بس مایوس نہ رہو کیوں کہ امید یقینی بڑی عبادت ہے وہ ظھور کا انتظار ہے (افضل العبادۃ انتظار الفرج) افضل ترین عبادت ظھور کا انتظار کرنا ہے یہ سب کا فریضہ ہے.

🌹 امام مہدی امید بشریت🌹

🔵 مایوسی اور ناامیدی گناہان کبیرہ میں سے ہے۔ روایات کے مطابق مایوسی اور ناامیدی کو شرک کے بعد دوسرا بڑا گناہ قرار دیا گیا ہے۔
ناامیدی اخلاقی رزائل میں سے بھی ہے۔ قرآن مجید میں پروردگار فرماتا ہے: لا تَقْنَطُوا مِنْ رَحْمَةِ اللَّهِ . اللہ کی رحمت سے مایوس نہ ہونا۔ قرآن کریم میں ایک اور جگہ ارشاد باری تعالی ہے: قَالَ وَمَنْ یَقْنَطُ مِنْ رَحْمَةِ رَبِّهِ إِلَّا الضَّالُّونَ. اپنے رب کی رحمت سے تو صرف گمراہ لوگ ہی مایوس ہوتے ہیں۔

🔵 اللہ کی رحمت سے مایوس نہ ہو

امام علی علیه السلام فرماتے ہیں: انْتَظِرُوا الْفَرَجَ‏ وَ لا تَيْأَسُوا مِنْ رَوْحِ اللَّهِ‏ فَإِنَّ أَحَبَّ الْأُمُورِ إِلَى اللَّهِ انْتِظَارُ الْفَرَج
ظھور کا انتظار کرو اور اللہ کی رحمت سے مایوس نہ ہو خدا کے نزدیک سب امور سے محبوب ترین ظھور کا انتظار ہے.

🔵 اعمال خاص

رُوِيَ عَنْهُ (علیه السلام) أَنَّهُ قَالَ‏ صَلَاةُ النَّوَافِلِ قُرْبَانٌ إِلَى اللَّهِ لِكُلِّ مُؤْمِنٍ وَ الْحَجُّ جِهَادُ كُلِّ ضَعِيفٍ وَ لِكُلِّ شَيْ‏ءٍ زَكَاةٌ وَ زَكَاةُ الْجَسَدِ صِيَامُ النَّوَافِلِ وَ أَفْضَلُ الْعِبَادَةِ بَعْدَ الْمَعْرِفَةِ انْتِظَارُ الْفَرَج‏
آں حضرت علیہ السلام سے روایت ہے کہ فرماتے ہیں نوافل نمازیں اللہ کے نزدیک کرتی ہیں اور حج ھر ضعیف کی جھاد ہے اور ھر چیز کی زکاۃ ہے لیکن جسم کی زکاۃ نوافل روزے ہیں اور معرفت کے بعد افضل ترین عبادت (انتظار الفرج) ظھور کا انتظار ہے.

🔵 افضل ترین جھاد

حضرت رسول خدا صلی اللہ علیہ و آلہ وسلم فرماتے ہیں:‏ أَفْضَلُ جِهَادِ أُمَّتِي انْتِظَارُ الْفَرَجِ‏ میری امت کا افضل ترین جھاد ظھور کا انتظار کرنا ہے.

🔵 با فضیلت ترین عبادت

امام صادق علیه السلام فرماتے ہیں : ‏ أَفْضَلُ الْعِبَادِةِ الصَّبْرُ وَ الصَّمْتُ وَ انْتِظَارُ الْفَرَج‏
بافضیلت ترین عبادت صبر اور سکوت اور ظھور کا انتظار ہے

🔵 انسان کی کمزوری ہے کہ جب اس پر مشکلات آتی ہیں تو وہ بہت مایوس اور پریشان ہو جاتا ہے۔ ناامیدی اور پریشانی کا نتیجہ اللہ کی رحمت سے دوری ہے۔ امام علی علیہ السلام ناامیدی کو بہت بڑی مصیبت قرار دیتے  ہیں اور فرماتے ہیں: أَعظَمُ البَلاءِ اِنقِطَاعُ الرَّجَاءِ امید کا منقطع ہونا بہت بڑی مصیبت ہے۔

🔵 مایوسی کے مقابلے میں امید ہے۔ امید یعنی کسی خوشخبری اور اچھے واقعہ کے رونما ہونے کا انتظار۔ اسلام و قرآن، مومنین کو امید اور رحمت خدا کی طرف دعوت دیتے ہیں۔ امید روح کی تقویت اور مشکلات میں آسانی کا سبب ہے۔ امید نعمات الٰہی کا ذریعہ بھی ہے۔ امید انسان کے اندر جوش اور ولولہ پیدا کرتی ہے۔ امید کے بغیر انسان مردہ لاش ہے جو زمین پر بوجھ ہے۔مایوس شخص دوسروں کو بھی  ناامید کرتا ہے۔ امید زندگی بھی ہے امید رحمت بھی۔ امید فضل الٰہی بھی ہے امید صبر کی کنجی بھی۔

🔵 آخری زمانے میں منجی عالم کے ظہور، صالحین کی حکومت اور ان کی  کامیابی و کامرانی کے سلسلے میں قرآن مجید میں بہت سی آیات کا تذکرہ ہوا ہے۔ جیسا کہ ارشاد ہوتا ہے: وَ لَقَدْ كَتَبْنا فِی الزَّبُورِ مِنْ بَعْدِ الذِّكْرِ أَنَّ الْأَرْضَ یَرِثُها عِبادِیَ الصَّالِحُونَ  اور ہم نے زبور میں ذکر کے بعد لکھ دیا ہے کہ زمین کے وارث ہمارے نیک بندے ہوں گے۔ ارشاد باری تعالی ہے: وَنُریدُ أَن نَمُنَّ عَلَى الَّذینَ استُضعِفوا فِی الأَرضِ وَنَجعَلَهُم أَئِمَّةً وَنَجعَلَهُمُ الوارِثینَ  اور ہم یہ ارادہ رکھتے ہیں کہ جنہیں زمین میں بے بس کر دیا گیا ہے ہم ان پر احسان کریں اور ہم انہیں پیشوا بنائیں اور ہم انہی کو وارث بنائیں۔

🔵 امام مہدی علیہ السلام کے ظہور کی امید اور انتظار سب سے بڑی عبادت ہے۔ پیغمبر اکرم صلی اللہ علیہ و آلہ وسلم نے فرمایا: افضل العبادۃ انتظار الفرج. افضل ترین عبادت انتظار فرج ہے۔ آپ سے ایک اور جگہ منقول ہے کہ  انتظار بہترین عمل ہے۔ افضل اعمال أمّتی انتظار الفرج میری امت کا افضل ترین عمل انتظار فرج ہے۔
انتظار امید کی تقویت کا سبب ہے جو مومنین کو ہمت و حوصلہ دیتا ہے۔ انتظار مشکلات کو گلے لگا کر مسلسل جدوجہد کا نام ہے۔ انتظار ظلم اور ظالموں کے ساتھ جنگ کا نام ہے۔ انتظار وعدہ وفا کرنے کا نام ہے۔ حضرت حجت اپنی توقیع مبارک میں فرماتے ہیں: اگر ہمارے شیعہ ہمارے ساتھ کئے ہوئے وعدے کو اتحاد و وحدت کے ساتھ وفا کرتے  تو ان کو جلد ہمارے دیدار کی سعادت نصیب ہوتی اور وہ ہماری ملاقات سے محروم نہ ہوتے۔

🔵 رہبر معظم سید علی خامنہ ای نے فرمایا: ہر انسان کی زندگی میں مشکلات آتی ہیں لیکن اسے مایوس اور نا امید نہیں ہونا چاہئے، اسے ان مشکلات کے حل اور خاتمے کی امید رکھنی چاہئے اور امت محمدی زندگی کے کسی بھی حادثے میں مایوسی اور ناامیدی کا احساس نہیں کرتی اور انتظار فرج خود ایک راہ حل اور احساس سکون کا باعث ہے۔ آپ نے فرمایا کہ انتظار فرج ہاتھ پر ہاتھ رکھ کر بیٹھ جانے کا نام نہیں بلکہ اس فرج کے لئے خود کو آمادہ کرنے کا نام ہے۔ رہبر انقلاب اسلامی نے فرمایا کہ ہمیں ایک مہدوی معاشرے کے قیام کا راستہ ہموار کرنے کی کوشش اور خود کو امام کے ظہور اور ان کے حضور پہنچنے کے لئے تیار کرنا چاہئے۔

🔵انتظار فقط بیٹھ کر دعا کرنا نہیں بلکہ عملی جدوجہد کرنا ہے۔ انتظار مقدمہ ظہور ہے۔ انتظار معاشرے میں انقلاب کی راہ ہموار کرنا ہے۔ انتظار ظلم و جبر کے خلاف آواز بلند کرنا ہے۔ انتظار ظالموں کے سامنے سرنڈر نا کرنا ہے۔ ہمارے پاس دو اہم چیزیں ہیں جو تشیع کی بقا کا سبب ہیں۔ جس کا اظہار اسرائیل میں ہونے والی ایک کانفرنس میں شیعوں کے بارے میں تحقیق کرنے والے 300 محققین نے یوں کیا: اہل بیت علیھم السلام کے ماننے والوں کی کامیابی اور بقا کی وجہ ان کا عاشورا اور ظہور پر اعتقاد ہے۔ انہوں نے عاشورا کو قیام سرخ اور ظہور کو انتظار سبز سے تعبیر کیا۔ یہ ایسے دو بال و پر ہیں جن کے ذریعے سے شیعہ پرواز کرتے ہیں۔

🔵 روایات میں منتظرین امام کی بہت فضیلت بیان کی گئی ہے۔ امام سجاد علیہ السلام سے روایت ہے کہ آخرالزمان کے لوگ جنہوں نے امام کی امامت کو قبول کیا اور ظہور کے منتظر ہیں سب زمانوں کے لوگوں سے برتر ہیں کیونکہ اللہ تعالی نے ان کو ایسی عقل و شعور اور فہم و فراست عطا فرمائی ہے کہ وہ غیبت کے زمانے میں ایسے ہیں جیسے ظہور امام میں ہوتے ہیں۔ آخری زمانے کے لوگ ایسے ہیں جیسے پیغمبر کے زمانے میں ان کے ساتھ شمشیر سے جہاد کرنے والے ہوں۔
ـــــــــــــــــــــــــــــــــــــــــــــــــــــــ
📚 (سورہ الم نشرح،5-6)
📚 (الزمر، 53)
📚 (الحجر، 56)
📚 (سورہ انبیا، 105)
📚 (سورہ قصص، 5)
📚 (بحارالانور ج 11، ص125)
📚 (کمال‌الدین/2/644)
📚 (تحف العقول/ النص/ ص106)
📚 (تحف العقول/ ص /403 )
📚 تحف العقول/ النص/ص/37
📚 تحف العقول/ النص/ ص201
ـــــــــــــــــــــــــــــــــــــــــــــــــــــــ
سيرة الأئمة المعصومين عليهم السلام
ـــــــــــــــــــــــــــــــــــــــــــــــــــــــ
بنده حقير زاهد حسين محمدي مشهدي
ـــــــــــــــــــــــــــــــــــــــــــــــــــــــ
Call: +989150693306
Call: +989307831247