سید منور عباس زیدی پھندیڑوی☘️☘️
🌴🌴مدحِ شاہِ خراسان🌴🌴
دو جہاں آپ پہ قربان میرے مولا رضاء
ہو بیاں آپ کی کیا شان مرے مولا رضاء
نام مولا تِرا ہونٹوں پہ ابھی آیا تھا
مشکلیں ہو گئیں آسان میرے مولا رضاء
مولا مجھ پر بھی ذرا نظرِ عنایت کردیں
ھے بہت قلب پریشان میرے مولا رضاء
بادشاہوں سے بھی اعلی ہیں مراتِب اُنکے
ہیں جو در کے تِرے دربان میرے مولا رضاء
مجھکو دنیا کے طبیبوں سے بھلا کیا مطلب
ھے مِرے درد کا درمان میرے مولا رضاء
سب کو ہی دیکھا تِرے در پہ گدائی کرتے
وہ گداکر ہو یا سلطان میرے مولا رضاء
جانتے ہو کے گنہگار ہوں پھر بھی مجھکو
آپ نے کر لیا مہمان میرے مولا رضاء
جس کو لینی ھے شفا آئے خراساں آئے
کہتے ہیں شاہِ خراسان میرے مولا رضاء
یوسفِ زہراء سوئے مشھد و قم جاتا ھے
ہوگا اک روز یہ اعلان میرے مولا رضاء
کر چہ مشکل تھا بہت آپ کی مدحت کا سفر
آپ نے کر دیا آسان میرے مولا رضاء
خواہشِ دل ھے منور کے نجف پھر جائے
پورا ہو جائے یہ ارمان میرے مولا رضاء
☘️☘️نتیجہء فکر
سید منور عباس زیدی پھندیڑوی☘️☘️
.: Weblog Themes By Pichak :.